Ang Bibig ni Duterte (?)

President Duterte with her daughter Veronica. Photo from Kitty Duterte’s Facebook page.

Matagal nang panahon ang nakalipas mula nang huli akong nakapagsulat tungkol sa Pangulo. Sa dami ng trabaho at dahil sa paghahanda sa isang eksaminasyon, nakalimutan kong magsulat tungkol kay Rodrigo Duterte. Subalit hindi dito magtatapos ang lahat. Ngayong tapos na ang eksaminasyon, may panahon na ang may-akda na makapagsulat ng mga artikulo. Bilang patunay, may sagot ang may-akda sa isang isyu na matinding iniuugnay sa Pangulo: ang kanyang pananalita.


From the reader who asked a question via Search Box:

Essay ano ang masasabi mo sa pananalita ng pangulo?

My Answer:

Talagang masakit sa tenga kapag nagmura na ang Pangulo.

Nasanay na kasi tayo sa turo na dapat hindi ganoon ang ugali ng isang lider, lalo na ng pinakamataas na lider sa ating bayan. Hindi na kataka-taka kung bakit nagulat ang marami sa sobrang dami ng maanghang na salitang ibinato niya nang nagtalumpati siya noong isang taon. At lalong hindi kataka-taka na marami ang nadismaya sa inasal ni Duterte.

Pero aminin na natin na minsan napapamura tayo kapag may sobrang nagpapagalit sa atin. Kung gayon, hindi naiiba sa atin si Duterte. Ang maling sistema ang nagpapagalit sa kanya, at dito siya napapamura.

Pangunahing tungkulin ng gobyerno

Ano ba ang masasabi ko dito? Dahil sa mura ni Duterte, nalaman na natin kung sino talaga ang totoong disente at mga nagde-desente-desentehan. Ngayon, alam na natin kung ano ba talaga ang pangunahing tungkulin ng gobyerno.

Bakit? Pangunahing tungkulin ba ng gobyerno ang maging absolute role model sa madla (lalo na sa mga bata)? Sa totoo lamang, pangunahing tungkulin ito ng DepEd. Pero ang pagiging absolute role model ang pangunahing tungkulin din ng mga nakakatanda pati na ng mga artista. Tanong lang: Ginagawa ba ito ng mga nakakatanda pati na ng mga artista? Kayo na ang sasagot niyan.

Dahil sa kanyang pananalita, unti-unting lumalabas ang pagiging inutil ng mga nag-aangking “disente” sila pagdating sa pagtulong sa kapwa at sa bayan. Lalo na noong Zamboanga siege, lindol sa Bohol, sa panahon ng bagyong Yolanda, paglaganap ng krimen sa Kalakhang Maynila, at sa marahas na pagsupil sa protesta sa Cotabato na nangyari sa taong ito. Na binigyan na sila ng panahon para tumugon sa isyung ito, pero dahil sa sobrang disente nila, ayaw nilang madumihan ang kanilang damit sa pagtulong sa kapwa at sa bayan.

Mahirap umintindi

Sa pananalita ni Duterte nasusubok ang kakayahan ng Pilipino na unawain ang kanyang kababayan. Lalo na sa mga Bisaya.

Dito din nasusubok kung aasa na lang ba sila sa ipinapakita ng media tungkol sa kanyang pananalita o iintindihin ang buong pahayag niya at ang kuwento sa likod nito bago humusga.

Tulad halimbawa ng isyu sa kanya tungkol kay Leni Robredo. Pinuna ni Duterte na makinis ang tuhod ni Leni. Palagay ni Leni at ng iba, isa itong anyo ng pambabastos sa mga babae, na hindi naman totoo. Feeling nila kasi, makinis ang hita ni Leni gayong malinaw na sinabi ng Pangulo na tuhod ang makinis.

Sa totoo lamang, ang pinupunto dito ni Duterte ay hindi naman masyadong nagtatrabaho ang pangalawang pangulo kaya ganoon na lamang kakinis ang tuhod (at dahil dito ay binigyan si Robredo ng deadline hanggang sa Disyembre para tapusin ang iniatas sa kanya). Pero ang tingin ng iba, tuhod = hita, na feeling eh parang mas magaling sila sa anatomy, tulad na lang ng kay Risa Hontiveros:

Kung ganoon, eh bakit hindi nila punahin ang kantang Legs?

Tanggap ba ng mga tao?

Nasusubok din ng kanyang pananalita kung hanggang saan siya maaring tanggapin ng taumbayan. Nasusukat din sa kanyang pananalita kung sino talaga ang sumusuporta sa kanya.

Dahil din sa mura niya, unti-unti siyang tinanggap ng mga tao. Wala na silang pakialam kung ganito siya, basta gampanan niya ang tungkulin bilang isang Pangulo.

Takot sa kanyang bibig

Ngayon, hindi na magkaintindihan ang ilan sa pananalita ni Duterte.

Isa pa, dahil sa mga pananalita ni Duterte, natatakot na ang mga kriminal.

Bumaba na ang krimen.

May nabasa ako dati na maaring ganoon ang bitiwan niyang salita, pero alam niya kung ano talaga ang dapat gawin.

Halimbawa, lagi niyang sinasabi sa mga sangkot sa droga, “Papatayin ko kayong lahat.” Pero ang binabanggit niya ay ito: “Palabanin mo muna, bago patayin.”

“Kapabayaan” sa Pilipinas

Dahil sa kanyang mga salita, nakita na natin kung gaano katindi ang “kapabayaan” ng Amerika sa ating bayan, lalo na sa usapin sa West Philippine Sea. Na kung kailan unti-unti nang babawasan ang pagiging palaasa sa Amerika, saka lang sila aangal.

Sa mga salita ni Duterte, nakita kung gaano katindi ang kawalang-respeto ng ibang bansa sa atin dahil masyadong kumikiling tayo at sumusunod tayo (at least dati) sa Kanluran.

Ang mga salita ni Duterte ang nagtulak sa ibang bansa upang hangaan at igalang tayo, bagay na hindi nila ito nagawa dati sa atin.

Gising ang bayan

Ang pananalita rin ni Duterte ang nagpapagising sa pagkamakabayan ng mga Pilipino.

Saan ka nakakita ng mga tao na handang magtiis ng ilang oras para mapakinggan ang kanyang mga talumpati?

Ganito ang nangyari noon sa panahon ng kanyang kampanya.

Makikita sa kanyang pananalita na tapat ang kanyang hangarin na paglingkuran ang bayan.

Sa totoo lamang, hindi na bago sa akin ang naturang istilo ni Duterte. Bago pa man siya tumakbo, ito na ang turing sa kanya.

Ito ang isang dahilan kung bakit ayaw ko sa kanya dati. Pero ito na ngayon ang dahilan kung bakit mataas pa rin ang respeto ko sa kanya hanggang sa mga oras na ito.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s